- அரசியலமைப்பின் ஊடாக 154 ஆவது உறுப்புரையின் மூலம் கணக்காய்வாளர் அதிபதியின் பணிகள் விதிக்கப்பட்டுள்ளதுடன் இதற்கமைவாக அவரினால் அமைச்சுக்கள், திணைக்களங்கள், அரச கூட்டுத்தாபனங்கள், மாகாண சபைகள் , உள்ளூராட்சி நிறுவனங்கள் மற்றும் வெளிநாட்டு நிதியங்களின் ஊடாக நடைமுறைப்படுத்தப்படுகின்ற கருத்திட்டங்கள் போன்றவற்றுக்கு உரியதாக நிதிக்கூற்றுக்கள் தொடர்பில் வருடாந்த கணக்காய்வுகளை மேற்கொண்டு உள்ள நிலைமையை பாராளுமன்றத்திற்கு அறிக்கையிட வேண்டியுள்ளது. கணக்காய்வாளர் அதிபதிக்குக் கையளிக்கப்பட்டுள்ள நியதிச்சட்ட கடமைகளின் பணிகளை நிறைவேற்றுவதற்கும் நடைமுறைப்படுத்துவதற்கும் இலங்கை கணக்காய்வாளர் சேவையும் கணக்காய்வாளர் பரிசோதகர் சேவையும் கணக்காய்வாளர் நாயகத்திற்கு ஒத்துழைப்பு வழங்குகின்றன. பிரேரிக்கப்பட்டுள்ள இலங்கை அரசாங்க கணக்காய்வாளர் சேவையை விசேட சேவையாக நிறுவுவதற்குரியதான நடவடிக்கைகளை மேற்கொள்வதற்கு அதிமேதகைய சனாதிபதி அவர்களினால் சமர்ப்பிக்கப்பட்ட பிரேரிப்புக்கு அமைச்சரவையினால் அங்கீகாரம் வழங்கப்பட்டது.