2013-08-29 ஆம் திகதியிடப்பட்ட அமைச்சரவைத் தீர்மானத்துக்கான ஊடக அறிக்கை |
Clostridium Botulinum Bacteria உடனான Dicyandiamide மற்றும் Whey Protein செறிவூட்டப்பட்ட பால்மா தொடர்பில் அண்மைக்கால அறிக்கைகளுக்கு அமைவாக எழுந்துள்ள பிரச்சினைகள் - இந்த விடயத்தைப் பரிசீலனை செய்து அமைச்சரவைக்கு அறிக்கையொன்றைச் சமர்ப்பிப்பதற்கு 2013‑08‑15 ஆம் திகதி நடாத்தப்பட்ட அமைச்சரவைக் கூட்டத்தில் மனித வளங்கள் பற்றிய (சிரேட்ட) அமைச்சர் டீ.ஈ.டபிள்யு.குணசேக்கர அவர்களின் தலைமைத்துவத்தின் கீழ் இன்னும் ஆறு (06) அமைச்சர்களைக் கொண்ட அமைச்சரவை உபகுழுவொன்று அமைச்சரவையினால் நியமிக்கப்பட்டது. இதற்கமைவாக மனித வளங்கள் பற்றிய (சிரேட்ட) அமைச்சர் டீ.ஈ.டபிள்யு.குணசேக்கர அவர்களினால் இந்தக் குழுவின் அறிக்கை சமர்ப்பிக்கப்பட்டதுடன் இந்த அறிக்கையில் உள்ளடக்கப்பட்டுள்ள பின்வரும் சிபாரிசுகளை நடைமுறைப்படுத்துலதற்கு அமைச்சரவையினால் அங்கீகாரம் வழங்கப்பட்டது : (அ) எதிர்பாராத விதத்தில் எழும் இத்தகைய தேவைகளுக்கு முகங்கொடுப்பதற்கு மருத்துவ ஆராய்ச்சி நிறுவனம், கைத்தொழில் தொழினுட்ப நிறுவனம் உட்பட உள்நாட்டு இரசாயனகூடங்கள் என்பவற்றின் ஆற்றலை மேம்படுத்துவதற்கும் ; (ஆ) சிறந்த உற்பத்திகளின் நுகர்வினை உறுதிப்படுத்துவதற்காக தலைமை உணவு அதிகாரியின் கீழ் நிபுணர்கள் இலங்கையிலுள்ள உட்சிக்கலான மற்றும் உயர்தர உணவு உற்பத்தி பொறித் தொகுதிகளை பரிசீலனை செய்வதற்கும்; (இ) தாய்ப்பாலூட்டல் உள்ளூரில் உற்பத்தி செய்யப்படும் திரவப்பால் பாவனை ஆகியவற்றை மேம்படுத்துவதற்காக ஏனைய தரப்பினர்களின் ஒத்துழைப்புடன் சுகாதார அமைச்சினால் அகில இலங்கை ரீதியில் நிகழ்ச்சித்திட்மொன்றை அறிமுகப்படுத்துவதற்கும்; (ஈ) பதவியணி உட்பட பிறவசதிகளுடன் உணவு கட்டுப்பாட்டுப் பிரிவின் இயலளவை பலப்படுத்துவதற்கு நடவடிக்கை எடுப்பதற்கும் நிலவும் அத்துடன் உருவாகும் உணவு பாதுகாப்புப் பற்றிய பிரச்சனைகளை நியாயமாக பரிசீலனை செய்வதற்காக உணவுச் சட்டத்தைத் திருத்துவதற்கும்; (உ) பின்வரும் விடயங்கள் தொடர்பில் குறிப்பிட்டு விரிவான பத்திரிகை அறிவித்தல் ஒன்றை இலகுமொழியில் பிரசுரிக்குமாறு சுகாதார அமைச்சுக்கு பணிப்பு விடுப்பதற்கும் ; (I) பிரச்சினையின் பின்னணி; அத்துடன் (II) DCD மற்றும் Clostridium பற்றீரியாக்கள் இல்லாத நுகர்வதற்குப் பாதுகாப்பான உற்பத்திகளை இனம் காண்பதற்கான குறிப்புத் துண்டு முறையொன்று; (ஊ) மேற்போந்த பகிரங்க அறிவித்தலை வெளியிடுவதற்கு முன்னர் புதிய குறிப்புத் துண்டு முறையொன்றை அறிமுகப்படுத்துவதற்கும்; (எ) கைத்தொழில் தொழினுட்ப நிறுவனத்துக்கு Liquid Chromatograph Mass Spectrometer (LC/MS/MS) உபகரணமொன்றைக் கொள்வனவு செய்வதற்கும்; (ஏ) தலைமை உணவு அதிகாரியினால் தீர்மானிக்கப்பட்டுள்ள DCD உள்ளதாக ஐயம்கொண்டுள்ள இறக்குமதி செய்யப்பட்ட பால் உற்பத்திகளை சந்தையிலிருந்து அப்புறப்படுத்துவதற்கு தலைமை உணவு அதிகாரிக்கும் நுகர்வோர் அதிகாரசபைக்கும் பணிப்பு விடுப்பதற்கும்; அத்துடன் (ஐ) இத்தகைய தன்மையிலான பிரச்சனைகள் தொடர்பில் செயலாற்றும் போது சுகாதார அமைச்சானது நுகர்வோர் சேவைகள் அதிகாரசபை, கைத்தொழில் தொழினுட்ப நிறுவனம் ஆகியவற்றுடன் நெருங்கிய ஒத்துழைப்புடன் செயலாற்றுவதை உறுதிப்படுத்துவதற்கும்; இலங்கை சுங்கம், மருத்துவ ஆராய்ச்சி நிறுவனம் கைத்தொழில் தொழினுட்ப நிறுவனம் என்பன இணைந்து இத்தகைய உணவு வகைகள் சுங்கத்திலிருந்து அப்புறப்படுத்துவதற்கு முன்னர், சருவதேச தரங்களுக்கு அமைவாக உணவுப் பாதுகாப்பு பற்றி சுகாதார பரிசோதனைகளை மேற்கொள்வதற்கான முறையொன்றை அறிமுகப்படுத்துவதற்கும். |
