டெங்கு நோய் பரவுவதை தடுக்கும் பொருட்டு முக்கியமாக பின்வரும் விடயங்கள் பற்றி அமைச்சினால் எடுக்கப்படும் நடவடிக்கைகளைப் பலப்படுத்தும் தேவை சம்பந்தமாக சுகாதார அமைச்சர் மாண்புமிகு மைத்திரிபால சிறிசேன அவர்களினால் சமர்ப்பிக்கப்பட்ட பிரேரிப்பு அமைச்சரவையினால் அங்கீகரிக்கப்பட்டது: பாதுகாப்பு, நகர அபிவிருத்தி அமைச்சு * மாவட்ட மற்றும் பிரதேச மட்டத்தில் கிரமமாக நடாத்தப்படும் பிரிவுகளுக்கிடையேயான கூட்டங்களுக்கு பொலிஸ் திணைக்களத்தின் உத்தியோகத்தர்கள் கலந்து கொள்ளல்; அத்துடன் * அவதானம் மிக்க கிராம உத்தியோகத்தர் பிரிவுகளில் மேற்கொள்ளப்படுகின்ற சுத்திகரிப்பு நடவடிக்கைகளின் போது சுகாதார மற்றும் ஏனைய உத்தியோகத்தர்களுக்கு ஒத்தாசை நல்குதல். சுகாதார அமைச்சு * ஏனைய பிரிவுகளை கூட்டிணைத்தலும் வசதிகளை ஏற்பாடு செய்தலும்; * முன்னதாகவே நோய்களை நிர்ணயித்தலும் நோய் பரவுவதைக் கட்டுப்படுத்துதலும்; அத்துடன் * ஏனைய பிரிவுகளுடன் இணைந்து செயற்படும் கிராமிய குழுக்களைத் தாபித்தல். சுற்றாடல், மீள் புதுப்பித்தல் சக்தி அமைச்சு * சகல உள்ளூராட்சி அதிகார பிரதேசங்களுக்குள்ளும் கழிவு மீள்சுழற்சி திட்டமொன்றை அறிமுகப்படுத்துதல். உள்ளூராட்சி, மாகாண சபைகள் அமைச்சு (உள்ளூராட்சி நிறுவனங்களின் ஊடாக) * கழிவுகளை உரிய முறையில் அப்புறப்படுத்துதல்; அத்துடன் * உள்ளூராட்சி நிறுவன மட்டங்களில் டெங்கு மீளாய்வுக் கூட்டங்களை நடாத்துதல். பொதுநிருவாக, உள்நாட்டலுவல்கள் அமைச்சு (மாவட்ட, பிரதேச செயலாளர்கள் ஊடாக) * சகல கிராம உத்தியோகத்தர் பிரிவுகளிலும் நுளம்பு பரவுவதை தடுக்கும் குழுக்களைத் தாபித்தல்; அத்துடன் * மாவட்ட மற்றும் பிரதேச மட்டத்தில் பிரிவுகளுக்கு இடையிலான கூட்டங்களை கிரமமாக நடாத்துதல் கல்வி அமைச்சு * பாடசாலை மனையிடங்களை தொடர்ச்சியாக சுத்திகரித்தல்.