2023-03-13 ஆம் திகதியிடப்பட்ட அமைச்சரவைத் தீர்மானத்துக்கான ஊடக அறிக்கை |
2018 ஆம் ஆண்டின் 29 ஆம் இலக்க விமான சரக்குகள் சட்டத்தை திருத்துதல் - உள்நாட்டு விமான சேவையின் பாதுகாப்புக்குரியதான சட்ட கட்டமைப்பை நவீனமயப்படுத்துதல், பயணிகளின் பாதுகாப்பை உறுதி செய்தல் மற்றும் உள்நாட்டு விமான சேவைகளுக்கு ஏற்புடையதான பொறுப்பு வரையறைகளை இனங்காணுதல் என்பன பொருட்டு 2018 ஆம் ஆண்டின் 29 ஆம் இலக்க விமான சரக்குகள் சட்டத்தை திருத்துவதற்கு 2022‑08‑22 ஆம் திகதியன்று நடாத்தப்பட்ட அமைச்சரவைக் கூட்டத்தில் அங்கீகாரம் வழங்கப்பட்டுள்ளது. அதற்கிணங்க, சட்டவரைநரினால் தயாரிக்கப்பட்டுள்ள விமான சரக்குகள் (திருத்த) சட்டமூலத்திற்கு சட்டமா அதிபரின் உடன்பாடு கிடைக்கப்பெற்றுள்ளது. குறித்த சட்டமூலத்தை அரசாங்க வர்த்தமானியில் பிரசுரிப்பதற்கும் அதன் பின்னர் அங்கீகாரத்தின் பொருட்டு பாராளுமன்றத்தில் சமர்ப்பிப்பதற்குமாக துறைமுகங்கள், கப்பற்றுறை மற்றும் விமான சேவைகள் அமைச்சரினால் சமர்ப்பிக்கப்பட்ட பிரேரிப்புக்கு அமைச்சரவையினால் அங்கீகாரம் வழங்கப்பட்டது. |
