2019-03-06 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
වෛද්‍ය සැපයීම් පහසුකම් ශක්තිමත් කිරීම - සෞඛ්‍ය, පෝෂණ හා දේශීය වෛද්‍ය අමාත්‍යාංශය තුළ පවතින රෝහල් 134ක ඖෂධ ගබඩා සහ රජයේ වෛද්‍ය සැපයීම් අංශය යටතේ පවතින ප්‍රාදේශීය වෛද්‍ය සැපයුම් අංශ 26හි පහසුකම් වැඩිදියුණු කිරීමට අමාත්‍ය මණ්ඩලය විසින් මීට පෙර අනුමැතිය ලබා දෙන ලදී. එසේ වුවත් සෞඛ්‍ය අංශයේ ආයතනවල සිදු කරනු ලබන වේගවත් සංවර්ධනය හා වැඩිදියුණු කිරීම් සැලකිල්ලට ගෙන දිවයින පුරා පිහිටි සියලුම වෛද්‍ය සැපයීම් අංශවල පහසුකම් පුළුල් කළ යුතුව තිබේ. ඒ අනුව, මීට පෙර අනුමැතිය ලද ආයතන 160ට අමතරව ප්‍රාදේශීය රෝහල් 430ක හා ප්‍රාථමික සෞඛ්‍ය සත්කාර ඒකක 276ක ඇති ඖෂධ ගබඩා පහසුකම් රුපියල් මිලියන 3,988.6ක ආයෝජනයක් යටතේ 2020 - 2022 මධ්‍යකාලීන අයවැය රාමුව තුළ වැඩිදියුණු කිරීම පිළිබඳ සෞඛ්‍ය, පෝෂණ හා දේශීය වෛද්‍ය අමාත්‍ය (වෛද්‍ය) රාජිත සේනාරත්න මැතිතුමා ඉදිරිපත් කළ කරුණු අමාත්‍ය මණ්ඩලය විසින් සැලකිල්ලට ගන්නා ලදී. |
