2019-02-26 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
2003 අංක 27 දරන තොරතුරු හා සන්නිවේදන තාක්ෂණ පනතේ විධිවිධාන අනුව අන්තර් අමාත්‍ය කමිටුවක් ප්‍රතිස්ථාපනය කිරීම - 2003 අංක 27 දරන තොරතුරු හා සන්නිවේදන තාක්ෂණ පනත යටතේ තොරතුරු තාක්ෂණ කටයුතු පිළිබඳ ප්‍රතිපත්ති සම්පාදනයේදී රජයට උපදෙස් ලබා දීම සඳහා අන්තර් අමාත්‍ය කමිටුවක් පිහිටුවීමට අවශ්‍ය විධිවිධාන සැලසී ඇත. වර්තමාන අවශ්‍යතාවන්ට ගැළපෙන අයුරින් කැබිනට් අමාත්‍යවරුන්, අමාත්‍ය මණ්ඩලයේ සාමාජිකයින් නොවන අමාත්‍යවරුන්, රාජ්‍ය අමාත්‍යවරුන් සහ රාජ්‍ය නිලධාරින්ගෙන් යුත් 17 දෙනෙකුගෙන් සමන්විත අන්තර් අමාත්‍ය කමිටුවක් පත් කර එම කමිටුව ප්‍රතිස්ථාපනය කිරීම සඳහා ඩිජිටල් යටිතල පහසුකම් හා තොරතුරු තාක්ෂණ කැබිනට් නොවන අමාත්‍යවරයා විසින් කරන ලද ඉල්ලීම අනුව අතිගරු ජනාධිපති මෛත්‍රීපාල සිරිසේන මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
