2019-02-12 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
සුළු හා මධ්‍ය පරිමාණ හාල්මෝල් හිමියන්ට කඩිනම් සහන සැලසීම - සුළු හා මධ්‍ය පරිමාණ හාල් මෝල් හිමියන් විසින් ලබා ගත් ණය සඳහා වාරික ගෙවීමේ අපහසුව සහ නිෂ්පාදන කටයුතු සඳහා අවශ්‍ය කාරක ප්‍රාග්ධනය නොමැති වීම යනාදී ගැටලු හේතුවෙන් එම මෝල් හිමියන් මුහුණ දී ඇති දුෂ්කරතා මඟහරවා ඔවුන් වෙත කඩිනමින් සහන සැලසීම කෙරෙහි රජයේ අවධානය යොමු වී තිබේ. ඒ අනුව දිස්ත්‍රික් සමුපකාර සමිතිවල සාමාජික මෝල් හිමියන් හරහා ගොවීන්ගෙන් වී මිල දී ගැනීම සඳහා අරමුදල් ලබා දීමටත්, එම අරමුදල් භාවිතා කරමින් තම කාරක ප්‍රාග්ධන අවශ්‍යතා සපුරා ගැනීම මඟින් ලබා ගත හැකි ඉපැයුම් හරහා ණය ආපසු ගෙවීමේ ක්‍රමවේදයක් හඳුන්වාදීමටත් අතිගරු ජනාධිපති මෛත්‍රීපාල සිරිසේන මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
