2019-02-12 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
මෝටර් වාහන පනත යටතේ බරපතල වැරදි කිහිපයක් සඳහා අය කරනු ලබන දඩ මුදල් සංශෝධනය කිරීම - මාර්ග අනතුරු සඳහා විශාල වශයෙන් හේතුවන බරපතල වැරදි කිහිපයක් සඳහා වන දඩ මුදල් ඉහළ දැමීම සඳහා මීට පෙර යෝජනා වූ නමුත් ඒවා ක්රියාත්මක කිරීමට පෙර විවිධ පාර්ශ්ව විසින් දැක්වූ කරුණු සැලකිල්ලට ගෙන අතිගරු ජනාධිපතිතුමා විසින් මේ සම්බන්ධයෙන් අධ්යනය කර නිර්දේශ ඉදිරිපත් කිරීම සඳහා නිලධාරි කමිටුවක් පත් කරන ලදී. එම කමිටුව විසින් රථවාහන අනතුරු සඳහා විශාල වශයෙන් හේතුවන වැරදි 10ක් හඳුනාගනු ලැබ ඇති අතර, එම වැරදි සඳහා වන දඩ මුදල් සංශෝධනය කිරීමටද නිර්දේශ කරනු ලැබ ඇත. ඒ අනුව, ඒ සඳහා කෙටුම්පත් කරනු ලැබ ඇති පනත් කෙටුම්පත ගැසට් පත්රයේ පළ කිරීමටත්, ඉන් අනතුරුව අනුමැතිය පිණිස පාර්ලිමේන්තුවට ඉදිරිපත් කිරීමටත් ප්රවාහන හා සිවිල් ගුවන්සේවා අමාත්ය අර්ජුන රණතුංග මැතිතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |