2019-02-12 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
වැලිවිට ජලසම්පාදන ව්යාපෘතිය සඳහා ඉඩම් අත්පත් කරගැනීම - අතුරුගිරිය, හෝමාගම, කඩුවෙල, මාලඹේ, පන්නිපිටිය, මහරගම, දෙහිවල, කෝට්ටේ හා බත්තරමුල්ල වැනි ප්රදේශවල අනාගත ජල ඉල්ලුම සපුරාලීම සඳහා ප්රමුඛතා ව්යාපෘතියක් වශයෙන් වැලිවිට ජලසම්පාදන ව්යාපෘතිය හඳුනාගනු ලැබ ඇත. මෙම ව්යාපෘතිය යටතේ ඉදි කිරීමට නියමිත වැලිවිට ප්රදේශයේ තුළුමුව හා ජල පවිත්රාගාරය, හෝකන්දර භූගත ජලාශය සහ ජයවඩනගම පොම්පාගාරය යන ඉදි කිරීම් සඳහා අවශ්ය වන ඉඩම් කොටස් අත්පත් කරගැනීම පිණිස නගර සැලසුම්, ජල සම්පාදන සහ උසස් අධ්යාපන අමාත්ය රවුෆ් හකීම් මැතිතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |