2019-02-12 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
නායයාම් අවදානම් අවම කිරීමේ ව්‍යාපෘතිය - මෑත කාලයේදී නායයාම් සිදු වීමේ වර්ධනයක් හඳුනාගත හැති අතර, මෙම නායයාම් හේතුවෙන් ජීවිත හා දේපළ හානි සිදු වීම මෙන්ම ආර්ථික හා සාමාජීය යහපැවැත්මටද බාධා එල්ල වී ඇත. නායයාම් වැළැක්වීම සඳහා යම් යම් කෙටිකාලීන ක්‍රියාමාර්ග මේ වන විටත් ගෙන තිබුණද මේ සඳහා ස්ථිර වැළකුම් ක්‍රමෝපායන් මඟින් නායයාම් අවදානම අවම කිරී‍ම සඳහා ව්‍යාපෘතියක් ක්‍රියාත්මක කිරීමට සැලසුම් කර තිබේ. මෙම ව්‍යාපෘතියේ පළමු අදියර යටතේ නායයාමේ අධි අවදානම් සහිත ස්ථාන 27ක්ද දෙවන අදියර යටතේ උඩරට දුම්රිය මාර්ගයේ පිහිටි අවදානම් ස්ථාන 20ක් ඇතුළු නායයාමේ අධි අවදානම් සහිත ස්ථාන 120ක් ආවරණය කිරීමට නියමිතය. ඇමරිකානු ඩොලර් මිලියන 110ක ආයෝජනයක් සහිතව මෙම ව්‍යාපෘතිය ක්‍රියාත්මක කිරීමට අවශ්‍ය අරමුදල් සලසා ගැනීම පිණිස මුදල් හා ජනමාධ්‍ය අමාත්‍ය මංගල සමරවීර මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
