2019-02-12 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
කන්කසන්තුරේ වරාය ප්‍රතිසංස්කරණය කිරීම - කන්කසන්තුරේ වරාය වාණිජ වරායක් ලෙස වැඩිදියුණු කිරීම මඟින්, ශ්‍රී ලංකාව කලාපීය සමුද්‍රිය කේන්ද්‍රස්ථානයක් බවට පත් කිරීමේ ප්‍රයත්නයට ලැබෙන පිටිවහල සහ එය වාණිජ වරායක් ලෙස වැඩිදියුණු කිරීම මඟින් උතුරු ප්‍රදේශයේ වෙළඳ කටයුතු ප්‍රවර්ධනයට ලබාගත හැකි දායකත්වය කෙරෙහි රජයේ අවධානය යොමු වී තිබේ. ඒ අනුව එම වරාය සංවර්ධන ව්‍යාපෘතිය සඳහා අවශ්‍ය ඉඩම් අත්පත් කරගැනීම, යටිතල පහසුකම් සහ අනෙකුත් උපයෝගීතා පහසුකම් සැලසීම පිණිස සැලසුම් සකස් කර තිබේ. එමෙන්ම මෙම ප්‍රදේශයේ ආර්ථික සංවර්ධනයට සමාගමීව ආගමික හා සාමාජීය සංවර්ධනයක් ඇති කරගැනීම සඳහා එම ප්‍රදේශයේ පිහිටා ඇති අයියනාර් කෝවිල ප්‍රතිසංස්කරණය කිරීමටද සැලසුම් කරනු ලැබ ඇත. ඒ අනුව අදාළ කටයුතු සිදු කිරීම පිණිස ජාතික ප්‍රතිපත්ති, ආර්ථික කටයුතු, නැවත පදිංචි කිරීම් හා පුනරුත්ථාපන, උතුරු පළාත් සංවර්ධන, වෘත්තීය පුහුණු හා නිපුණතා සංවර්ධන සහ යෞවන කටයුතු අමාත්‍යතුමා වශයෙන් ගරු රනිල් වික්‍රමසිංහ මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
