2019-02-05 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
2018/2019 මහ කන්නය තුළ වී මිල දී ගැනීමේ වැඩසටහන ක්රියාත්මක කිරීම - 2018/2019 මහ කන්නයේ අස්වනු නෙලීමේ කටයුතු ආරම්භ වීමට නියමිතව ඇති අතර, වී සඳහා ස්ථාවර මිලක් පවත්වා ගෙන යාමට හා ගොවීන්ගේ වී සඳහා සාධාරණ මිලක් ලබා දීම පිණිස මෙම කන්නය තුළදී වී මිල දී ගැනීමේ වැඩසටහන දිස්ත්රික් ලේකම්වරුන්ගේ මෙහෙයවීම යටතේ ක්රියාත්මක කිරීමට සැලසුම් කරනු ලැබ ඇත. ඒ අනුව වී අලෙවි මණ්ඩලය හා දිස්ත්රික් සමුපකාර සමිති මඟින් සම්බා වර්ගවල වී සඳහා කිලෝග්රෑමයකට රුපියල් 41/-ක හා නාඩු සහ අනෙකුත් වර්ගවල වී සඳහා කිලෝග්රෑමයකට රුපියල් 38/-ක සහතික මිලක් යටතේ වී මිල දී ගැනීමට නියමිතව ඇත. ඒ අනුව මෙවර මහ කන්නය සඳහා වී මිල දී ගැනීමේ වැඩසටහන ක්රියාත්මක කිරීම සඳහා අවශ්ය රුපියල් මිලියන 5,000ක මුදල් ප්රතිපාදන සලසා දීම පිණිස මුදල් හා ජනමාධ්ය අමාත්ය මංගල සමරවීර මැතිතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |