2019-02-05 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
ගෝලීය අරමුදල මඟින් සලසනු ලබන ප්‍රදාන භාවිතයෙන් 2019 - 2021 වර්ෂවල ව්‍යාපෘති ක්‍රියාත්මක කිරීම - ගෝලීය වශයෙන් බලපා ඇති සෞඛ්‍ය ගැටලු වන HIV/ඒඩ්ස් රෝගය, ක්ෂය රෝගය හා මැලේරියාව යන බෝවන රෝග තුන මැඩපැවැත්වීමේ අරමුණින් සිදු කරනු ලබන වැඩසටහන් සඳහා අරමුදල් සැපයීමට ගෝලීය අරමුදල ස්ථාපිත කර තිබේ. සෞඛ්‍ය, පෝෂණ හා දේශීය වෛද්‍ය අමාත්‍යාංශය විසින් මේ වන විට ඇමරිකානු ඩොලර් මිලියන 76ක් වටිනා ප්‍රදානයන් ලබාගැනීම පිණිස ගිවිසුම්වලට එළඹ ඇති අතර, ඉන් ඇමරිකානු ඩොලර් මිලියන 61ක පමණ ප්‍රදාන උපයෝගී කරගනිමින් ව්‍යාපෘති ක්‍රියාත්මක කර තිබේ. ගෝලීය අරමුදල විසින් 2019 - 2021 කාලපරිච්ඡේදය වෙනුවෙන් ඇමරිකානු ඩොලර් මිලියන 12.3ක ප්‍රදානයක් වෙන් කර ඇති අතර එකී ප්‍රදානය ලබාගැනීම වෙනුවෙන් එළඹ ඇති ගිවිසුම සම්බන්ධයෙන් සෞඛ්‍ය, පෝෂණ හා දේශීය වෛද්‍ය අමාත්‍ය (වෛද්‍ය) රාජිත සේනාරත්න මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
