2019-02-05 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
පොලිස් ආධුනිකයින් බඳවා ගන්නා කොට්ඨාසය සහ තොරතුරු තාක්ෂණ කොට්ඨාසය පවත්වාගෙන යනු ලබන ගොඩනැඟිල්ල වැඩිදියුණු කිරීම - පොලිස් ආධුනිකයින් බඳවා ගන්නා කොට්ඨාසය සහ තොරතුරු තාක්ෂණ කොට්ඨාසය කිරුළපන ශ්‍රී සම්බුද්ධ ජයන්ති මාවතේ පිහිටි මීට පෙර විලාසිතා නිවස පැවති ගොඩනැඟිල්ලේ පවත්වාගෙන යනු ලබයි. මෙම ගොඩනැඟිල්ල දීර්ඝ කාලයකින් අලුත්වැඩියා කර නොතිබීම හේතුවෙන් රාජකාරි කටයුතු සිදු කිරීමේදී මුහුණ දීමට සිදුවන බාධාවන් වළක්වා ගැනීම පිණිස වැසි හා අප ජලය බැහැර කිරීමේ පද්ධතියක් සකස් කිරීම, ජල සැපයුම් පද්ධතිය, මලාපවාහන හා කාණු පද්ධතිය, විදුලි පද්ධතිය නැවත සකස් කිරීම ඇතුළත්ව එය වැඩිදියුණු කිරීම සහ පූර්ණ අලුත්වැඩියාවකට ලක් කිරීම පිණිස 2020-2022 මධ්‍යකාලීන අයවැය රාමුව තුළ රුපියල් මිලින 126.8ක ප්‍රතිපාදන වෙන් කරවා ගැනීම පිණිස ආරක්ෂක අමාත්‍යතුමා වශයෙන් අතිගරු ජනාධිපති මෛත්‍රීපාල සිරිසේන මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
