2019-01-29 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
කැලණිය, ශ්රී ජයවර්ධනපුර, සබරගමුව සහ මොරටුව විශ්වවිද්යාලවල පහසුකම් සංවර්ධනය කිරීම - උසස් අධ්යාපන ක්ෂේත්රයේ ගුණාත්මක භාවය තවදුරටත් වර්ධනය කිරීම උදෙසා විශ්වවිද්යාලයන්හි යටිතල පහසුකම් සංවර්ධනය කිරීම පිණිස රජයේ අවධානය යොමුවී ඇත. ඒ අනුව, කැලණිය විශ්වවිද්යාල සිසුන් සඳහා සිව් මහල් නේවාසිකාගාර ගොඩනැඟිල්ලක් ඉදි කිරීම, ශ්රී ජයවර්ධනපුර විශ්වවිද්යාලයේ මහල් 07කින් යුත් බහුකාර්ය ගොඩනැඟිල්ලක් ඉදි කිරීමේ ව්යාපෘතියේ අදියර I ලෙස එහි මහල් 03ක් ඉදි කිරීම, ශ්රී ලංකා සබරගමුව විශ්වවිද්යාලයේ කෘෂිකර්ම පීඨය සඳහා පීඨ ගොඩනැඟිලි සංකීර්ණය ඉදි කිරීමේ ව්යාපෘතියේ පළමු අදියර, මොරටුව විශ්වවිද්යාලයේ වාස්තු විද්යා පීඨයේ දේශන ශාලා ගොඩනැඟිල්ලේ හා එහි ඉංජිනේරු පීඨයේ බහු කාර්ය ගොඩනැඟිල්ලේ ඉතිරිව පවතින කාර්යයන් සිදු කිරීම යන ව්යාපෘති ක්රියාත්මක කිරීම පිණිස නගර සැලසුම්, ජල සම්පාදන සහ උසස් අධ්යාපන අමාත්ය රවුෆ් හකීම් මැතිතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |