2019-01-14 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
ත්රිපිටකය ලෝක උරුමයක් ලෙස ප්රකාශයට පත් කිරීම - සම්බුද්ධ දේශනා සියල්ල ඇතුළත් ත්රිපිටකය ශ්රී ලංකාවේ ජාතික උරුමයක් වශයෙන් නම් කිරීමට හා එය රජය මඟින් නිල වශයෙන් ප්රකාශයට පත් කිරීමටත්, ත්රිපිටකයට සම්බන්ධ නැවත මුද්රණය හා අනෙකුත් කටයුතු බුද්ධශාසන අමාත්යාංශයේ අධීක්ෂණය යටතේ සිදු කිරීමටත් අමාත්ය මණ්ඩලය විසින් මීට පෙර අනුමැතිය ලබා දෙන ලද අතර ඒ අනුව 2019 ජනවාරි 05 දින මාතලේ අලුවිහාරයේදී ත්රිපිටකය ජාතික උරුමයක් ලෙස ප්රකාශයට පත් කරන ලදී. එලෙස ප්රකාශයට පත් කිරීම තහවුරු කළ යුතු බවටත් හා ත්රිපිටකය ලෝක උරුමයක් ලෙස ප්රකාශයට පත් කිරීම සඳහා අවශ්ය කටයුතු කළ යුතු බවටත් වූ යෝජනා සම්මතයන් පාර්ලිමේන්තුව වෙත ඉදිරිපත් කිරීම පිණිස අතිගරු ජනාධිපති මෛත්රීපාල සිරිසේන මැතිතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |