2019-01-14 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
ශ්‍රී ජයවර්ධනපුර හෙද පීඨය ඉදි කිරීම සඳහා ජම්බාර ගැසීමේ කටයුතු - මහල් 22කින් යුක්තව ශ්‍රී ජයවර්ධනපුර හෙද පීඨය ඉදි කිරීමේ කොන්ත්‍රාත්තුව රාජ්‍ය ඉංජිනේරු සංස්ථාවට පිරිනැමීමට මීට පෙර අනුමැතිය ලබා දී තිබේ. ඒ අනුව එහි ස්ථානීය ජම්බාර 248ක ජම්බාර ගැසීමේ කටයුතු සිදු කළ යුතු බැවින් එය පැකේජ 03ක් යටතේ උප කොන්ත්‍රාත් දීමට තීරණය කරන ලදී. ඒ අනුව, අමාත්‍ය මණ්ඩලය විසින් පත් කරන ලද ස්ථාවර ප්‍රසම්පාදන කමිටුවේ නිර්දේශය පරිදි මෙහි පැකේජය 01 හා 02 සීමාසහිත නවලෝක පයිලිං පුද්ගලික සමාගම වෙත පිළිවෙළින් රුපියල් මිලියන 124.8ක හා රුපියල් මිලියන 137.5ක මුදලකටත් පැකේජය 03 සීමාසහිත ඩී.පී. ජයසිංහ පයිලිං පුද්ගලික සමාගම වෙත රුපියල් මිලියන 126ක මුදලකටත් පිරිනැමීම පිණිස නිවාස, ඉදිකිරීම් සහ සංස්කෘතික කටයුතු අමාත්‍ය සජිත් ප්‍රේමදාස මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
