2018-11-21 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
දේශීය අර්තාපල් ගොවීන් සවිබල ගැන්වීම - වැලිමඩ හා ඒ අවට ප්රදේශවලින් ඉහළ අර්තාපල් අස්වැන්නක් ලැබීම හේතුවෙන්, වෙළඳපොළ තුළ දේශීය අර්තාපල් සැපයුම ඉහළ යාමත් සමඟ එම ගොවීන් සඳහා සාධාරණ මිලක් ලැබීම තහවුරු කිරීමට අර්තාපල් අස්වැන්න මිල දී ගැනීමට රජය විසින් කටයුතු කරන ලදී. ඒ අනුව සී/ස ශ්රී ලංකා පාරිභෝගික සමූපකාර සමිති සංගමය මඟින් මිල දී ගත් අර්තාපල් තොග සඳහා ගොවීන් වෙත ගෙවීම් නිරවුල් කිරීමට අවශ්ය ප්රතිපාදන වෙන් කරවාගැනීම පිණිස අතිගරු ජනාධිපති මෛත්රීපාල සිරිසේන මැතිතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |