2018-09-11 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
හම්බන්තොට දිස්ත්රික්කයේ ආදර්ශ ගම්මානවල ප්රතිලාභීන්ගේ අභිවෘද්ධිය සඳහා ග්රාමීය පාලම් ඉදි කිරීම - හම්බන්තොට දිස්ත්රික්කයේ යටිතල පහසුකම් අඩු ගම්මානවල ආරම්භ කෙරෙන ආදර්ශ ගම්මානවල නිවාස ප්රතිලාභීන්ට නාගරික පොදු පහසුකම් වෙත පහසුවෙන් ළඟා විය හැකි පරිදි, වලස්මුල්ල පල්ලේකන්ද පාරේ යාය පාලම, මැදගොඩ කුඹුක්මුල්ල ඌරු බොක්ක ඔය හරහා පාලම, තලුන්න හා අදුපැලෑන යා කරන පාලම සහ පහල බැරගම පාලම දිගු කිරීම යන ව්යාපෘති 04 'නගමු පුරවර' වැඩසටහන යටතේ ඉදි කිරීම පිණිස නිවාස හා ඉදිකිරීම් අමාත්ය සජිත් ප්රේමදාස මැතිතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |