2018-09-11 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
ශ්රී ලංකා සබරගමුව විශ්වවිද්යාලයේ වෛද්ය පීඨය ස්ථාපිත කිරීම සඳහා අවශ්ය ගොඩනැඟිලි ඉදිකිරීම - සබරගමුව විශ්වවිද්යාලයේ වෛද්ය පීඨය, රුපියල් මිලියන 5,015ක ආයෝජනයක් සහිතව රත්නපුර මහ රෝහලට ආසන්නව පිහිටි අක්කර 20ක භූමිභාගයක ස්ථාපිත කිරීමට කටයුතු සැලසුම් කර තිබේ. මෙම වෛද්ය පීඨයේ කටයුතු කඩිනමින් ආරම්භ කිරීමේ අවශ්යතාවය සලකා ඒ සඳහා අත්යවශ්ය වන වෛද්ය හා සමාන්තර විද්යා පීඨය සඳහා වන සායනික ගොඩනැඟිල්ල ඉදි කිරීම සහ ඒ සඳහා අවශ්ය අරමුදල් සලසා ගැනීම පිණිස උසස් අධ්යාපන හා සංස්කෘතික කටයුතු අමාත්ය (ආචාර්ය) විජයදාස රාජපක්ෂ මැතිතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |