2018-09-11 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
බෝට්ටු නිෂ්පාදන කර්මාන්තය නියාමනය සහ යටිතල පහසුකම් සැලසීම - ශ්‍රී ලංකාව තුළ බෝට්ටු නිෂ්පාදන කර්මාන්තය වැඩිදියුණු කිරීමේ අරමුණින් ඒ සඳහා නියාමන ව්‍යූහයක් සැකසීමට අවශ්‍ය පහසුකම් සැපයීම සහ දැනට සිටින බෝට්ටු නිෂ්පාදකයින් සඳහා සිය කර්මාන්ත පවත්වා ගැනීමට අවශ්‍ය වන යටිතල පහසුකම් සැලසීමේ අරමුණින් වැලිගම, කප්පරතොට බෝට්ටු දියත් කිරීමේ ස්ථානය, ලිස්සුම් මඟ හා අලුත්වැඩියා පහසුකම් ඉදි කිරීම හා දියකඩනය ඉදි කිරීම පිණිස ශක්‍යතා අධ්‍යයනය සිදු කිරීමට නියමිතය. ඒ අනුව මෙම ව්‍යාපෘතිය ඉදිරියට ක්‍රියාත්මක කිරීම සඳහා අවශ්‍ය ප්‍රතිපාදන වෙන් කරගැනීම පිණිස සංවර්ධන උපායමාර්ග හා ජාත්‍යන්තර වෙළඳ අමාත්‍ය මලික් සමරවික්‍රම මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
