2018-09-11 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
ජාතික ධීවර සහ ජල ජීවී වගා ප්‍රතිපත්තිය ක්‍රියාවේ යෙදවීම පිණිස නව පනතක් කෙටුම්පත් කිරීම - දැනට බලාත්මකව පවතින 1996 අංක 2 දරන ධීවර හා ජලජ සම්පත් පනත මේ වන විට විවිධ අවස්ථාවන්හිදී සංශෝධනය කරනු ලැබ ඇති අතර, වර්තමාන ආර්ථික, සාමාජීය හා පාරිසරික ප්‍රවණතාවන්ට අනුව එම පනත තවදුරටත් සංශෝධනය කළ යුතු බවට හඳුනාගනු ලැබ ඇත. ඒ අනුව, ධීවර කර්මාන්තය, නියාමනය, සංරක්ෂණය හා සංවර්ධනය සඳහා වන විධිවිධාන ඇතුළත් කරමින් නව පනතක් කෙටුම්පත් කිරීම පිණිස ධීවර හා ජලජ සම්පත් සංවර්ධන සහ ග්‍රාමීය ආර්ථිකය පිළිබඳ අමාත්‍ය විජිත් විජයමුණි සොයිසා මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
