2018-09-11 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
බුද්ධ ජයන්ති ත්‍රිපිටක ග්‍රන්ථ මාලාවේ නැවත මුද්‍රණ කටයුතු බුද්ධශාසන අමාත්‍යාංශය මඟින් සිදු කිරීම - 2500 සම්බුද්ධ ජයන්තිය වෙනුවෙන් පාලි ත්‍රිපිටකය සිංහල භාෂාවට පරිවර්තනය කිරීමේ කටයුතු ආරම්භ වූ අතර, 1989 වර්ෂය වන විට එම ග්‍රන්ථ මාලාවේ කටයුතු නිම කර තිබේ. ඉදිරියේදී මෙම ග්‍රන්ථ මාලාව වඩාත් විධිමත් පරිදි මුද්‍රණය කර ප්‍රචලිත කිරීමට බුද්ධශාසන අමාත්‍යාංශය විසින් සැලසුම් කර තිබේ. ඒ අනුව, ත්‍රිපිටක ග්‍රන්ථ මාලාව සංස්කරණය කර මුද්‍රණය කිරීමේ වගකීම බුද්ධශාසන අමාත්‍යාංශය වෙත පවරා ගැනීම පිණිස බුද්ධශාසන අමාත්‍ය ගාමිණි ජයවික්‍රම පෙරේරා මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
