2018-09-04 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
නේපාලයේ ශ්‍රී ලංකා මහා විහාරය ප්‍රතිසංස්කරණය කිරීම - ගෞතම බුදුරජාණන් වහන්සේගේ උත්පත්තිය සිදුවූ නේපාලයේ ලුම්බිණි පූජාභූමියට යාබඳව පිහිටි ශ්‍රී ලංකා මහා විහාරය බෞද්ධ වන්දනාකරුවන්ගේ වන්දනාවට පාත්‍ර වූ පූජා භූමියකි. එම පූජා භූමිය ථෙරවාදී බුදු දහම මනාව විහිදා පෙන්වන සිද්ධස්ථානයක් වශයෙන් සංවර්ධනය කිරීමේ අරමුණින් එහි තවදුරටත් සිදු කළ යුතු අලුත්වැඩියා කටයුතු වෙනුවෙන් අවශ්‍යවන ප්‍රතිපාදන සලසා දීම පිණිස බුද්ධශාසන අමාත්‍ය ගාමිණි ජයවික්‍රම පෙරේරා මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
