2018-01-16 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
2019 වර්ෂයේ දී ශ්‍රී ලංකාව විසින් සත්කාරකත්වය දැරීමට නියමිත CITES CoP, 18 වන සමුළුවට අදාළ සත්කාරක රාජ්‍ය ගිවිසුම (Host Country Agreement) - වඳ වී යාමේ තර්ජනයට ලක්ව ඇති සත්ව හා ශාක ජාත්‍යන්තර වෙළඳාම පිළිබඳ සම්මුතියට (Convention on International Trade in Endangered Species of Wild Fauna and Flora - CITES) ශ්‍රී ලංකාව 1976 වර්ෂයේ සිට පාර්ශ්වකරුවෙකු වේ. මෙම සම්මුතියේ පාර්ශ්වකරුවන්ගේ 18 වන සමුළුව 2019 වර්ෂයේදී ශ්‍රී ලංකාවේ පැවැත්වීම පිණිස සත්කාරකත්වය දැරීමට අමාත්‍ය මණ්ඩලයේ අනුමැතිය දැනටමත් ලබා දෙනු ලැබ තිබේ. ඒ අනුව, 2019 මැයි මස 22 දින සිට 2019 ජුනි 03 දින දක්වා එම සමුළුව ශ්‍රී ලංකාවේදී පැවැත්වීමට නියමිත අතර, එහි සත්කාරකත්වය දැරීම සම්බන්ධයෙන් ශ්‍රී ලංකා රජය සහ ඉහත කී ජාත්‍යන්තර සම්මුතියේ ලේකම් කාර්යාලය අතර සත්කාරක රාජ්‍ය ගිවිසුමකට (Host Country Agreement) අත්සන් තැබීම පිණිස තිරසර සංවර්ධන හා වනජීවී අමාත්‍ය ගාමිණි ජයවික්‍රම පෙරේරා මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
