2018-01-16 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
නව අධිකරණ ගොඩනැඟිලි ඉදි කිරීම - ශ්‍රී ලංකාවේ අධිකරණ පවත්වාගෙන යනු ලබන ගොඩනැඟිලි බොහොමයක් ඉතා පැරණි වන අතර, ඒවා නඩත්තුව සඳහා විශාල මුදලක් වැය කළ යුතුව තිබේ. එමෙන්ම, නීති කෘත්‍යයන් සංඛ්‍යාව ඉහළ යාම හේතුවෙන් එම ගොඩනැඟිලිවල පවතින ඉඩකඩද ප්‍රමාණවත් නොවේ. තවද, වැලිමඩ හා රත්නපුර අධිකරණ සංකීර්ණ නාය යාමේ අවදානමක් සහිත ඉඩම්වල පිහිටා ඇති බැවින් ඒවා ප්‍රතිස්ථාපනය කළ යුතුව තිබේ. ඒ අනුව, 2018 වර්ෂය සඳහා වූ අයවැය මඟින් වෙන් කරනු ලැබ ඇති ප්‍රතිපාදන උපයෝගී කරගනිමින් වැලිමඩ, රත්නපුර, තෙල්දෙණිය, පූගොඩ, කන්තලේ සහ කිලිනොච්චිය යන ප්‍රදේශවල පිහිටි අධිකරණ සංකීර්ණ සඳහා නව ගොඩනැඟිලි ඉදි කිරීම පිණිස අධිකරණ අමාත්‍ය තලතා අතුකෝරල මැතිතුමිය ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
