2018-01-16 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
ඌව වෙල්ලස්ස විශ්වවිද්යාලයේ යටිතල පහසුකම් සංවර්ධනය කිරීම - අදියර 2 - ඌව වෙල්ලස්ස විශ්වවිද්යාලය විසින් කර්මාන්ත ක්ෂේත්රයට අදාළ උපාධි පාඨමාලා 13ක් පවත්වාගෙන යනු ලබන අතර, වර්තමානයේ සිසුහු 2,200ක් පමණ එහි අධ්යයන කටයුතුවල නිරතව සිටිති. එම විශ්වවිද්යාලය සඳහා බඳවා ගනු ලබන ශිෂ්ය සංඛ්යාව ක්රමයෙන් වැඩි කෙරෙමින් පවතින අතර, ඊට සමගාමීව එහි යටිතල පහසුකම් වැඩිදියුණු කළ යුතුව තිබේ. ඒ අනුව, ඌව වෙල්ලස්ස විශ්වවිද්යාලයේ පුස්තකාල ගොඩනැඟිල්ල, ශ්රවණාගාරය, කාර්ය මණ්ඩල ඉගැනුම් ඒකකය, විකල්ප ජල සැපයුම් පද්ධතිය හා ශිෂ්ය සුබසාධන මධ්යස්ථානය ඉදි කිරීම සහ විශ්වවිද්යාලයේ ප්රධාන ප්රවේශය වැඩිදියුණු කිරීමට අදාළ කටයුතු 2018 වර්ෂයේදී ආරම්භ කිරීමටත්, ඒ සඳහා සුදුසු කොන්ත්රාත්කරුවන් තෝරාගැනීම පිණිස ලංසු කැඳවීමටත් උසස් අධ්යාපන හා මහාමාර්ග අමාත්ය ලක්ෂ්මන් කිරිඇල්ල මැතිතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |