2018-01-16 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
ශ්‍රී ලංකාව හා තුර්කිය අතර කෘෂිකාර්මික සහයෝගිතාව පිළිබඳ අවබෝධතා ගිවිසුමකට අත්සන් තැබීම - කෘෂිකාර්මික කටයුතු හා සම්බන්ධ දැනුම, තාක්ෂණය හා ශිල්ප ක්‍රම ශ්‍රී ලංකාව සහ තුර්කිය අතර හුවමාරු කරගැනීමේ අරමුණින්, කෘෂිකාර්මික සහයෝගිතාව පිළිබඳ අවබෝධතා ගිවිසුමකට එළඹීම පිණිස කෘෂිකර්ම අමාත්‍ය දුමින්ද දිසානායක මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. තවද ශ්‍රී ලංකාවෙන් තුර්කි ජනරජය වෙත අපනයනය කෙරෙන තේ ප්‍රමාණය ඉහළ නැංවීම සම්බන්ධයෙන් ශ්‍රී ලංකා තේ මණ්ඩලය විසින් විශේෂ ගිවිසුමකට එළඹීමට සැලසුම් කරනු ලැබ ඇති බව ද අමාත්‍ය මණ්ඩලය විසින් මෙහිදී සැලකිල්ලට ගන්නා ලදී.
|
