2017-12-05 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
ටෙලිනාට්ය, චිත්රපට හා වාණිජ වැඩසටහන් බද්ද - රට තුළට ගලා එන හඬ කැවූ විදේශීය ටෙලි නාට්ය, චිත්රපට හා වෙළඳ දැන්වීම් හේතුවෙන් දේශීය ටෙලි නාට්ය හා චිත්රපට කර්මාන්තයට සිදුවන අයහපත් බලපෑම සැලකිල්ලට ගනිමින් සිංහල හෝ දෙමළ භාෂාවට හඬ කවන ලද විදේශීය ටෙලි නාට්ය, චිත්රපට හා වෙළඳ දැන්වීම් මත අය කරනු ලබන 'ටෙලි නාට්ය, චිත්රපට හා වාණිජ වැඩසටහන් බද්ද' වැඩි කිරීමට 2017 අයවැය මඟින් යෝජනා කරන ලදී. ඒ අනුව, අදාළ බද්ද සංශෝධනය කරමින් 2006 අංක 11 දරන මුදල් පනතේ විධිවිධාන පරිදි නිකුත් කරනු ලැබ ඇති අංක 2044/21 දරන 2017‑11‑07 දිනැති අතිවිශේෂ ගැසට් නිවේදනය අනුමැතිය සඳහා පාර්ලිමේන්තුව වෙත ඉදිරිපත් කිරීම පිණිස මුදල් හා ජනමාධ්ය අමාත්ය මංගල සමරවීර මැතිතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |