2017-11-21 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
මඩකලපුව, මන්මුනෙයි නිරිත ප්‍රදේශයේ ජලජීවී වගාව වැඩිදියුණු කිරීම - ගැටුම්කාරී වාතාවරණයට පෙර කිවුල්දිය ඉස්සන් ගොවි පොළක් වශයෙන් භාවිත කරන ලද, මඩකලපුව, මන්මුනෙයි නිරිත ප්‍රාදේශීය ලේකම් කොට්ඨාසයෙහි පිහිටි හෙක්ටයාර 202.343 (අක්කර 500)ක ඉඩම් ප්‍රමාණයක් තුළ ජලජීවී වගා කර්මාන්තය නැවත ඇති කිරීමට යෝජනා වී තිබේ. එමඟින් ජාතික ආර්ථිකයට ඉහළ දායකත්වයක් එක් කෙරෙනු ඇති අතර, ප්‍රදේශය තුළ සෘජු රැකියා අවස්ථා 900ක් පමණ අලුතින් නිර්මාණය වනු ඇත. ඒ අනුව, එම භූමිභාගය තුළ පොකුණු 450ක් පමණ ඉදි කිරීම මඟින් කිවුල්දිය ඉස්සන්, මඩ කකුළුවන්, වේක්කයින්, මෝදා ඇතුළු වාණිජ වශයෙන් ඉහළ ආදායමක් ලැබිය හැකි මත්ස්‍ය විශේෂ ඇති කිරීම සඳහා රජයේ ප්‍රසම්පාදන ක්‍රියාවලිය අනුව තෝරාගනු ලබන ආයෝජකයින් වෙත ශ්‍රී ලංකා ආයෝජන මණ්ඩලය හරහා බදු පදනම මත මෙම ඉඩම් වෙන් කර දීම පිණිස ධීවර හා ජලජ සම්පත් සංවර්ධන අමාත්‍ය මහින්ද අමරවීර මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
