2017-11-07 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
පාර්ලිමේන්තු සංකීර්ණය සඳහා භාවිත කෙරෙන ඉඩම් පවරා දීම - ශ්‍රී ජයවර්ධනපුර කෝට්ටේ පරිපාලන අගනුවර සංවර්ධන වැඩසටහන යටතේ නාගරික සංවර්ධන අධිකාරිය විසින් බත්තරමුල්ල, කඩුවෙල, ශ්‍රී ජයවර්ධනපුර හා මහරගම යන ප්‍රදේශවලින් අත්පත් කරගෙන ඇති අක්කර 1,000ක පමණ ඉඩම්වලින් කොටසක් පාර්ලිමේන්තු සංකීර්ණය ඉදි කිරීම සඳහා භාවිත කර ඇති අතර, තවත් කොටසක් ජල රක්ෂිත ලෙස වෙන් කර තිබේ. පාර්ලිමේන්තු සංකීර්ණය සඳහා භාවිත කරනු ලබන නමුත් ශ්‍රී ලංකා පාර්ලිමේන්තුව වෙත මේ දක්වා විධිමත්ව පවරා දෙනු ලැබ නොමැති ඉඩම් කොටස්, ශ්‍රී ලංකා පාර්ලිමේන්තුව වෙත පවරා දීම පිණිස මහානගර හා බස්නාහිර සංවර්ධන අමාත්‍ය පාඨලී චම්පික රණවක මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
