2017-10-03 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
ක්‍රීඩා නව්‍යකරණ ව්‍යාපෘතිය - ජාත්‍යන්තර තරග සඳහා යොමු කිරීමට පෙර මෙරට ක්‍රීඩක ක්‍රීඩිකාවන්ට විධිමත් පුහුණුවක් ලබා දීම සහ දේශීය පුහුණුකරුවන්ට විශේඥ දැනුම සහිත ප්‍රවීණයන් මඟින් විද්‍යාත්මක පුහුණුවක් ලබා දීම අරමුණු කරගනිමින් 2013 - 2017 කාලපරිච්ඡේදය තුළ ක්‍රීඩා නව්‍යකරණ ව්‍යාපෘතිය ක්‍රියාත්මක කරන ලදී. විදේශීය පුහුණුකරුවන්ගේ සේවය ලබාගනිමින් සියලු පළාත්වල ක්‍රීඩක ක්‍රීඩිකාවන්ගේ දක්ෂතා ඉහළ නැංවීමටත්, පුහුණුකරුවන්ගේ දැනුම ඉහළ නැංවීමටත් එමඟින් මනා පිටිවහලක් ලැබී ඇත. 2018 වර්ෂයේදී පොදු රාජ්‍ය මණ්ඩලයීය ක්‍රීඩා උළෙල සහ ආසියාතික ක්‍රීඩා උළෙල පැවැත්වීමට නියමිත අතර, 2020 වර්ෂයේදී දකුණු ආසියානු ක්‍රීඩා උළෙල සහ ඔලිම්පික් ක්‍රීඩා උළෙල පැවැත්වීමට නියමිතය. මෙම ක්‍රීඩා තරග සඳහා මෙරට ජාතික හා කනිෂ්ඨ මට්ටමේ ක්‍රීඩක ක්‍රීඩිකාවන් විධිමත්ව පුහුණු කිරීම අරමුණු කරගනිමින් ක්‍රීඩා නව්‍යකරණ ව්‍යාපෘතිය 2018 වර්ෂයේ සිට 2022 වර්ෂය දක්වා තවත් වර්ෂ 05ක කාල සීමාවක් සඳහා ක්‍රියාත්මක කිරීම පිණිස ක්‍රීඩා අමාත්‍ය දයාසිරි ජයසේකර මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
