2017-10-03 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
නව අධිකරණ ගොඩනැඟිලි ඉදි කිරීම - යුක්තිය පසිඳලීමේ ක්‍රියාවලිය කඩිනම් හා කාර්යක්ෂම කිරීම සඳහා රජය අවශ්‍ය පියවර ගනිමින් සිටියි. එහිදී මහජනතාවට යහපත් මට්ටමේ සේවාවක් සැලසීමේ අරමුණින් වර්තමානයේ ඉතා පැරණි ගොඩනැඟිලිවල අඩු පහසුකම් යටතේ පවත්වාගෙන යනු ලබන අධිකරණයන්හි යටිතල පහසුකම් වැඩිදියුණු කිරීමට සැලසුම් කර තිබේ. ඒ අනුව, කහටගස්දිගිලිය හා මැදවච්චිය යන සංචාරක මහේස්ත්‍රාත් අධිකරණ, වලස්මුල්ල දිසා/මහේස්ත්‍රාත් අධිකරණය, මාතලේ මහාධිකරණය හා කල්මුණේ සිවිල් අභියාචන මහාධිකරණය යන අධිකරණ සඳහා රුපියල් මිලියන 491ක ඇස්තමේන්තුගත පිරිවැයකින් නව ගොඩනැඟිලි පහසුකම් සැපයීමේ ව්‍යාපෘතියක් ක්‍රියාත්මක කිරීම පිණිස අධිකරණ අමාත්‍ය තලතා අතුකෝරල මැතිතුමිය ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
