2017-10-03 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
නේපාලයේ ඇති වූ භූමි කම්පාවෙන් හානියට පත් වූ ආගමික සිද්ධස්ථාන ප්‍රතිසංස්කරණය කිරීම - 2015 වර්ෂයේදී නේපාලයේ ඇති වූ භූමිකම්පාවෙන් හානියට පත් වූ ස්වායම්බුනාත්හි ආනන්ද කුටි මහා විහාරයේ හා රාතෝ මච්චින්ද්‍රනාත් කෝවිලේ ප්‍රතිසංස්කරණ කටයුතු සඳහා ශ්‍රී ලංකාව විසින් අනුග්‍රහය ලබා දෙනු ලබන අතර එම ඉදි කිරීම් කටයුතු මේ වන විට සිදු කෙරෙමින් පවතියි. එම ප්‍රතිසංස්කරණ කටයුතුවලට අදාළ මූලික සැලැස්මට, පසුව සිදු කරනු ලැබූ ඇතැම් සංශෝධන හේතුවෙන් රුපියල් මිලියන 345ක් වූ එහි ඇස්තමේන්තුගත පිරිවැය ඉහළ ගොස් තිබේ. එබැවින් එම අමතර පිරිවැය ආවරණය කර ගැනීම සඳහා රුපියල් මිලියන 105ක අතිරේක ප්‍රතිපාදන වෙන් කර ගැනීම පිණිස අතිගරු ජනාධිපති මෛත්‍රීපාල සිරිසේන මැතිතුමා සහ බුද්ධශාසන අමාත්‍ය ගාමිණි ජයවික්‍රම පෙරේරා මැතිතුමා ඉදිරිපත් කළ ඒකාබද්ධ යෝජනාව අමාත්‍ය මණ්ඩලය විසින් අනුමත කරන ලදී. |
