2017-10-03 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
තංගල්ල ධීවර වරාය, බහුකාර්ය ධීවර වරාය සංකීර්ණයක් ලෙස සංවර්ධනය කිරීම - ධීවර, සංචාරක හා වෙළඳ කටයුතු සඳහා යොදා ගනු ලබන බහුකාර්ය ධීවර වරාය සංකීර්ණයක් ලෙස තංගල්ල ධීවර වරාය සංවර්ධනය කිරීමට යෝජනා වී තිබේ. ඊට අදාළ ශක්යතා අධ්යයනය හා සැලසුම නොමිලේ සකස් කර දීමට දකුණු කොරියානු ජනරජයේ HAE CHUN Co. Ltd. සමාගම එකඟ වී තිබේ. ඒ සම්බන්ධයෙන් එම සමාගම සමඟ අවබෝධතා ගිවිසුමකට එළඹීම පිණිස ධීවර හා ජලජ සම්පත් සංවර්ධන අමාත්ය මහින්ද අමරවීර මැතිතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |