2017-10-03 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
ශ්රී ලංකාවේ හදිසි පූර්ව රෝහල් ප්රතිකාර ගිලන්රථ සේවාව සහ "1990 සුවසැරිය පදනම" පිහිටුවීම - දැනට බස්නාහිර පළාතේ සහ දකුණු පළාතේ සාර්ථකව ස්ථාපිත කර ඇති '1990 සුවසැරිය' පූර්ව රෝහල් ප්රතිකාර ගිලන් රථ සේවාව ක්රියාත්මක කිරීම සම්බන්ධයෙන් GVK EMRI Lanka (Pvt) Ltd. ආයතනය සහ සෞඛ්ය, පෝෂණ හා දේශීය වෛද්ය අමාත්යාංශය අතර ඇති කර ගනු ලැබ ඇති අවබෝධතා ගිවිසුමේ වලංගු කාල සීමාව 2017‑12‑31 දිනෙන් අවසන් වීමට නියමිතය. මෙම ගිලන් රථ සේවාව ශ්රී ලංකාවේ සියලුම පළාත් ආවරණය වන පරිදි ක්රියාත්මක කිරීමට යෝජනා වී තිබේ. එබැවින්, මෙම ගිලන් රථ සේවාවේ මෙහෙයුම් සහ පරිපාලන කටයුතු අඛණ්ඩව පවත්වාගෙන යාම සහතික කිරීම සඳහා ශ්රී ලංකා රජය වෙත සම්පූර්ණ අයිතිය හිමි '1990 සුවසැරිය පදනම' නම් වූ පදනමක් පාර්ලිමේන්තු පනතක් මඟින් ස්ථාපනය කිරීම පිණිස ජාතික ප්රතිපත්ති හා ආර්ථික කටයුතු අමාත්යතුමා වශයෙන් ගරු අග්රාමාත්ය රනිල් වික්රමසිංහ මැතිතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |