2017-02-14 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
වාරිමාර්ග පද්ධතියේ කාර්යක්ෂමතාව හා ඵලදායීතාව ඉහළ නැංවීමේ ව්‍යාපෘතිය - රටෙහි ආහාර අවශ්‍යතාව සපුරාලීම, ග්‍රාමීය ආර්ථිකය නඟාසිටුවීම හා ග්‍රාමීය ප්‍රජාවගේ ජීවිකාව ආරක්ෂා කිරීම සඳහා මෙරට වාරි යෝජනා ක්‍රමයන්හි ඵලදායීතාව ඉහළ නැංවීම අත්‍යවශ්‍ය කාර්යයක් වේ. ඒ අනුව, යෝජිත 'ඵලදායීතාව ඉහළ නැංවීමේ හා වාරිමාර්ග පද්ධතියේ කාර්යක්ෂමතාව වැඩිදියුණු කිරීමේ ව්‍යාපෘතිය' මඟින් පසුගිය වසර 25 - 35ක කාල සීමාව තුළ ප්‍රතිසංස්කරණයට ලක් නොවූ ප්‍රධාන සහ මධ්‍ය පරිමාණ වාරි යෝජනා ක්‍රම 80ක් මුළුමනින්ම ප්‍රතිසංස්කරණය කිරීමට නියමිතය. එසේම භූමිය හා ජල පරිභෝජන කාර්යක්ෂමතාව ඉහළ නැංවීම සහ ගොවි ප්‍රජාව සවිබලගැන්වීම තුළින් වගාබිම්වල ඵලදායිතාව ඉහළ නැංවෙනු ඇති අතර, ගොවි පවුල් 98,000ක පමණ ආදායම ඉහළ නැංවෙනු ඇත. මෙම ව්‍යපෘතිය, රුපියල් මිලියන 18,500ක පිරිවැයකින් 2017 - 2021 කාලසීමාව තුළ ක්‍රියාත්මක කිරීම පිණිස වාරිමාර්ග හා ජලසම්පත් කළමනාකරණ අමාත්‍ය විජිත් විජයමුණි සොයිසා මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
