2014-10-30 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
උතුරු අධිවේගී මාර්ග ව්‍යාපෘතිය - 07 වන කොන්ත්‍රාත් පැකේජය ඈඳන අධිවේගී මාර්ගයේ පොතුහැර සිට රඹුක්කන දක්වා (කි.මී. 14) ඉදි කිරීම් සහ පොතුහැර සහ රඹුක්කන අන්තර් හුවමාරු ඇතුළුව 04 වන පැකේජයේ කි.මී. 3.5 ක් ඉදි කිරීම - උතුරු අධිවේගී මාර්ගයේ එ‍‍‍ඬේරමුල්ල සිට ගලේවෙල දක්වා කොටස සහ ඈඳන අධිවේගී මාර්ගයේ පොතුහැර සිට ගලගෙදර දක්වා කොටස ඉදි කිරීම සඳහා රජය විසින් ඉහළ ප්‍රමුඛතාවක් ලබා දී ඇත. අමාත්‍ය මණ්ඩලය විසින් පත් කරන ලද ස්ථාවර ප්‍රසම්පාදන කමිටුවේ නිර්දේශය පරිදි ඉහත සඳහන් 07 වන කොන්ත්‍රාත්තු පැකේජය පිරිනැමීම පිණිස මහාමාර්ග, වරාය හා නාවික අමාත්‍ය වශයෙන් අතිගරු ජනාධිපතිතුමා විසින් ඉදිරිපත් කරන ලද යෝජනාව අමාත්‍ය මණ්ඩලය විසින් අනුමත කරන ලදී. |
