2022-11-28 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
කුඩා රබර් වතු හිමියන් 6,000ක් සඳහා ධාරිතා ගොඩනැඟීමේ ව්‍යාපෘතිය ක්‍රියාත්මක කිරීම පිණිස වැවිලි කර්මාන්ත අමාත්‍යාංශය සහ ප්‍රංශයේ Ksapa සමාගම අතර අදාළ අවබෝධතා ගිවිසුමකට එළඹීම - ප්‍රංශ රජයේ ආර්ථික, මූල්‍ය හා ප්‍රතිසාධන අමාත්‍යාංශයේ සහ ප්‍රංශයේ මිචෙලින් සමූහයේ මූල්‍යාධාර යටතේ වැවිලි කර්මාන්ත අමාත්‍යාංශයේ මඟපෙන්වීම මත ප්‍රංශයේ Ksapa සමාගම විසින් මොනරාගල දිස්ත්‍රික්කයේ බඩල්කුඹුර සහ මැදගම යන රබර් වගා ප්‍රදේශවල කුඩා රබර් වතු හිමියන් 6,000ක ගේ ආර්ථික ශක්තිය ඉහළ නැංවීම පිණිස "රබර් නිෂ්පාදන අගයදාමය වැඩිදියුණු කිරීම සහ කුඩා රබර් වතු හිමියන්ගේ ධාරිතාව ඉහළ නැංවීමේ ව්‍යාපෘතිය" ක්‍රියාත්මක කිරීමට සැලසුම් කර ඇත. යෝජිත ව්‍යාපෘතිය ජාතික ක්‍රමසම්පාදන දෙපාර්තමේන්තුව විසින් නිර්දේශ කර ඇති අතර ව්‍යාපෘතියේ මුළු පිරිවැය යුරෝ 726,700ක් වශයෙන් ඇස්තමේන්තු කර තිබේ. ඒ අනුව, එම ව්‍යාපෘතිය ක්‍රියාත්මක කිරීම පිණිස අවබෝධතා ගිවිසුමකට එළඹීම සඳහා වැවිලි කර්මාන්ත අමාත්‍යතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.
|
