2022-03-21 දිනැති අමාත්‍ය මණ්ඩල තීරණය පිලිබඳ මාධ්‍ය ප්‍රකාශය |
අවලංගු කළ නොහැකි තෑගි ඔප්පු බලවත් අකෘතඥතාව මත අවලංගු කිරීමේ පනත සංශෝධනය කිරීම - අවලංගු කළ නොහැකි ලෙස සිය දේපළ තෑගි කරන තෑගි දීමනාකරුවන් සිය දේපළෙන් පිටමං කරන තෑගි ලැබුම්කරුවන් සිටින විටකදී සහ තෑගි ලැබුම්කරුවන් වංචනික ලෙස අදාළ දේපළ තුන්වන පාර්ශවකට පැවරීම් සිදු කරන විටකදී ඒ සඳහා නීතිමය සහනයන් සැලසීම පිණිස විධිවිධාන පැනවීමේ අවශ්‍යතාව හඳුනාගනු ලැබ ඇත. ඒ සඳහා අවශ්‍ය විධිවිධාන සලසමින් 2017 අංක 5 දරන අවලංගු කළ නොහැකි තෑගි ඔප්පු බලවත් අකෘතඥතාව මත අවලංගු කිරීමේ පනත සඳහා සංශෝධනයන් හඳුන්වා දීම පිණිස මීට පෙර අමාත්‍ය මණ්ඩල අනුමැතිය ලබා දී තිබේ. ඒ අනුව, නීති කෙටුම්පත් සම්පාදක විසින් සකස් කරනු ලැබ ඇති පනත් කෙටුම්පත සඳහා නීතිපති‍ෙග් නිෂ්කාශනය ලැබී ඇත. එකී පනත් කෙටුම්පත රජයේ ගැසට් පත්‍රයේ පළ කිරීමටත්, ඉන් අනතුරුව අනුමැතිය පිණිස පාර්ලිමේන්තුවට ඉදිරිපත් කිරීමටත් අධිකරණ අමාත්‍යතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී. |
