2022-01-24 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
ප්රාදේශීය හා දිස්ත්රික් මට්ටමින් සුළු හා මධ්ය පරිමාණ කර්මාන්ත කලාප ස්ථානගත කිරීම සහ නව ව්යවසායකයින් සඳහා ව්යාපාර සංවර්ධනය වෙනුවෙන් ආයෝජන අවස්ථා ලබා දීමේ ජාතික ව්යාපෘතිය - 2022 අයවැය මඟින් දැනට ක්රියාත්මක වන කර්මාන්තපුර පිහිටුවීමේ වැඩසටහන ප්රාදේශීයකරණය කරමින් ප්රාදේශීය හා දිස්ත්රික් මට්ටමින් කර්මාන්ත කලාප පිහිටුවමින් ප්රාදේශීය කර්මාන්තකරණ ක්රියාවලිය වේගවත් කිරීමට යෝජනා කරන ලදී. ඒ අනුව, කර්මාන්ත අමාත්යාංශය විසින් වැඩසටහනක් සැලසුම් කර ඇති අතර, ඒ යටතේ දිස්ත්රික්/ප්රාදේශීය ලේකම් කොට්ඨාස මට්ටමින් හඳුනාගනු ලබන ඉඩම් ප්රමාණය අනුව කර්මාන්තපුර වර්ග දෙකක් ස්ථාපනය කිරීමට අපේක්ෂා කරනු ලබයි. අක්කර 5-15 ඉඩම් කොටසක කර්මාන්තශාලා 15-35 අතර ප්රමාණයකින් යුත් කුඩා පරිමාණයේ කර්මාන්තපුර සහ අක්කර 15-25 අතර වන ඉඩම් කොටසක කර්මාන්තශාලා 35-50 අතර ප්රමාණයකින් යුත් මධ්ය පරිමාණ කර්මාන්තපුර ඉදි කිරීමට යෝජිතය. කර්මාන්ත අමාත්යාංශය හා එක්ව එම ව්යාපෘති ක්රියාත්මක කිරීම සහ අධීක්ෂණය කිරීම සඳහා ජාතික කමිටුවක් හා දිස්ත්රික් මෙහෙයුම් කමිටුවක් පත් කරනු ඇත. ඒ අනුව, යෝජිත වැඩසටහන ක්රියාත්මක කිරීම පිණිස කර්මාන්ත අමාත්යතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී. |