-2021 මුදල් වර්ෂය සඳහා වන විසර්ජන පනත් කෙටුම්පත, කෙටුම්පත් කිරීම සඳහා 2020 සැප්තැම්බර් මස 16 දින පැවති අමාත්‍ය මණ්ඩල රැස්වීමේදී අනුමැතිය ලබා දෙන ලදී.

ඒ අනුව, 2021 මුදල් වර්ෂය සඳහා ඇස්තමේන්තුගත පුනරාවර්ථන වියදම රුපියල් බිලියන 2,690ක් වන අතර, මූලධන වියදම රුපියල් බිලියන 2,216කි. නීති කෙටුම්පත් සම්පාදක විසින් සකස් කරන ලද පනත් කෙටුම්පත සඳහා නීතිපතිවරයාගේ නිෂ්කාශනය ලැබී ඇත. ඒ අනුව, 2021 මුදල් වර්ෂය සඳහා වන විසර්ජන පනත් කෙටුම්පත ගැසට් පත්‍රයේ පළ කිරීමටත්, ඉන් අනතුරුව අනුමැතිය පිණිස පාර්ලිමේන්තුවට ඉදිරිපත් කිරීමටත් මුදල් අමාත්‍ය වශයෙන් ගරු අග්‍රාමාත්‍යතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.