2020-09-28 දිනැති අමාත්ය මණ්ඩල තීරණය පිලිබඳ මාධ්ය ප්රකාශය |
යුක්තිය පසිඳලීමේ ක්රියාවලිය ශක්තිමත් කිරීම සඳහා විශේෂ ඒකකයක් අධිකරණ අමාත්යාංශය යටතේ ස්ථාපිත කිරීම -
ශ්රී ලංකාවේ අධිකරණ ක්රියාවලිය තුළ සිදු වන ප්රමාදයන් හේතුවෙන් ඒ සඳහා මැදිහත් වන පුද්ගලයන්ට මෙන්ම රටේ ආර්ථිකයට ද විශාල බලපෑමක් සිදු වන බව පැහැදිලි කරුණකි. 2016 වර්ෂයේදී ජාතික නීති සම්මේලන කමිටුව විසින් නඩු ප්රමාදයන්ට හේතු වන විවිධ ගැටලු, ඒ හේතුවෙන් සිදු වන අයහපත් ප්රතිඵල සහ ඒ සඳහා යෝජිත විසඳුම් පිළිබඳ වාර්තාවක් ඉදිරිපත් කර ඇත. 2019 වර්ෂය අවසානයේදී රටේ සියලුම අධිකරණවල අවසන් නොවූ නඩු 766,784ක් පැවති අතර, එම තත්ත්වයට කඩිනමින් පිළියම් යෙදීම අත්යවශ්ය ය.
|